Skilmálar

Með því að nota forritið (appið) Stubbur eða vefsíðuna stubb.is samþykkir þú, sem notandi, að fylgja eftirfarandi skilmálum. Skilmálar þessir eiga við um notkun á þjónustu Stubbs og um þær upplýsingar sem notendur setja inn. Skilmálar þessir eru sambærilegir þeim sem almennt gilda hjá miðasölufyrirtækjum, en kunna að vera sérstakir aðstæðum Stubbs.

1. Skilgreiningar

Notandi: Einstaklingur sem skráir upplýsingar hjá Stubbur Tickets ehf. (kt. 440511-0230) og/eða kaupir miða í gegnum forritið Stubbur eða vefsíðuna stubb.is.
Stubbur/Stubb: Stubbur Tickets ehf., kt. 440511-0230, eigandi og rekstraraðili Stubbur appsins og vefsíðunnar stubb.is (hér eftir nefnt "Stubbur").
Viðburður: Hvers konar skemmtun, sýning, tónleikar, íþróttaleikur eða annar viðburður sem býðst til sölu í gegnum Stubbur appið eða stubb.is.
Miði: Rafrænn miði sem notandi kaupir til að fá aðgang að ákveðnum viðburði.

2. Notkun appsins og vefsíðu

• Stubbur býður upp á miðakaup og/eða upplýsingar um viðburði fyrir notendur í gegnum Android- og iOS-stýrikerfi (Stubbur appið), auk þess sem hægt er að kaupa miða og nálgast upplýsingar um viðburði á vefsíðunni stubb.is.
• Miðar, sem keyptir eru í gegnum appið eða vefsíðuna, gilda einungis fyrir þann tiltekna viðburð sem greitt var fyrir.
• Tæki notanda (snjallsími eða tölva) þarf að vera nettengt til að virkja og/eða óvirkja miða, eftir því sem við á.
• Notandi er ábyrgur fyrir að uppfæra forritið eftir þörfum og tryggja örugga nettengingu þegar vefsíðan er notuð, svo þjónusta Stubbs nýtist sem skyldi.

3. Virkni miða og gildissvið

• Miði er gildur frá því hann er virkjaður og þar til hann er óvirkjaður eða notaður. Virkni er háð skilmálum hvers viðburðar.
• Ekki er leyfilegt að sækja viðburð án þess að hafa virkjað miða samkvæmt reglum aðstandanda viðburðar.
• Hver miði er einungis gildur einu sinni. Þegar miði hefur verið virkjaður og notaður dettur hann út.
• Mæti notandi ekki á viðburð fæst miði ekki endurgreiddur, nema eins og segir í 6. og 7. gr.
• Miði er almennt ekki framseljanlegur til annarra nema annað sé sérstaklega leyft af aðstandanda viðburðar.

4. Ábyrgð viðburðarhaldara

• Stubbur selur miða og tekur við greiðslu fyrir hönd aðstandanda viðburðar, nema annar seljandi sé tilgreindur við kaup og á skilmálasíðu þess seljanda.
• Sé annar seljandi tilgreindur er hann samningsaðili kaupanda og tekur við greiðslu, skilmálar þessir gilda milli kaupanda og hans, og Stubbur afgreiðir beiðnir um endurgreiðslu fyrir hans hönd.
• Aðstandandi ber ábyrgð á viðburðinum sjálfum, svo sem innihaldi, gæðum og framkvæmd, og á ákvörðunum um að fella hann niður eða breyta honum.
• Stubbur afgreiðir beiðnir um endurgreiðslu samkvæmt 6. og 7. gr. Kaupandi þarf ekki að hafa samband við aðstandanda.

5. Óheimil notkun, fölsun og endursala

• Það er með öllu óheimilt að falsa miða eða reyna að villa á sér heimildir. Notendur, sem uppvísir verða að ólögmætri notkun, kunna að sæta lögreglurannsókn og brottvísun af viðburðarsvæði.
• Óheimilt er að selja miða áfram með fjárhagslegum hagnaði, nema aðstandandi viðburðar hafi sérstaklega heimilað slíkt.
• Stubbur áskilur sér rétt til að ógilda miða sem seldir eru með hagnaði án heimildar eða með öðrum hætti sem telst ólögmætur.

8. Afskráning símanúmers

• Sé símanúmer notanda afskráð eða fjarlægt úr kerfi Stubbs, kunna miðarnir sem tengjast viðkomandi símanúmeri að eyðast úr tækinu.
• Notandi skal gæta þess að uppfæra tengiliðaupplýsingar ef breytt er um símanúmer.

9. Skyldur notanda við innritun

• Þegar notandi sækir viðburð skal hann birta stafrænan miða í Stubbur appinu eða útprentaðann staðfestingarkóða af stubb.is, sé þess krafist.
• Þá kann að vera krafist að notandi óvirkji miða að lokinni staðfestingu, eða sýni á annan hátt að miðinn sé aðeins virkur í augnabliki staðfestingar.
• Ef tæknileg vandamál koma upp (t.d. nettengingarleysi) kann aðstandanda viðburðar að vera heimilt að neita notanda um aðgang, beri notandi ekki gildan miða.
• Notandi skal virða umgengisreglur viðburðarins og fylgja fyrirmælum starfsfólks eða öryggisvarða á staðnum.

10. Greiðslumátar og öryggi

• Stubbur tekur við greiðslum frá Visa, MasterCard og/eða öðrum lausnum eins og t.d. Kass og Aur, nema annað sé tekið fram.
• Greiðslur fara í gegnum örugga greiðslugátt, en notandi skal tryggja að greiðslukortaupplýsingar séu rétt skráðar og í gildi.
• Ef greiðsla gengur ekki í gegn eða er ógild, kann Stubbur að loka fyrir þjónustu viðkomandi notanda.

11. Persónuupplýsingar og auðkenning

• Símanúmer notanda er notað til að auðkenna viðkomandi tæki eða reikning, en ekki í öðrum tilgangi.
• Notandi ber sjálfur fulla ábyrgð á öllum upplýsingum sem hann skráir í appið eða á stubb.is, þar á meðal greiðsluupplýsingum.
• Stubbur vinnur persónuupplýsingar í samræmi við gildandi lög um persónuvernd og vinnslu persónuupplýsinga. Nánar um það í persónuverndarstefnu Stubbs.
• Stubbur áskilur sér rétt til að senda notanda tilkynningar um viðburði og breytingar svo fremi sem notandi hafi samþykkt að fá slík samskipti.
• Með því að slá inn símanúmer sitt við innskráningu, stofnun aðgangs eða kaup á miða samþykkir notandi að fá sendar SMS-skilaboð frá Stubbur, m.a. eins og einnota staðfestingarkóða (OTP), afhendingu miða og staðfestingar á kaupum. Þetta samþykki er skilyrði fyrir notkun á þjónustu Stubbur og er skráð með aðgangsupplýsingum notanda.

12. Takmörkun ábyrgðar

• Stubbur ber ekki ábyrgð á þjónustu, vöru eða upplýsingum frá þriðju aðilum, þar á meðal aðstandendum viðburða.
• Bótaábyrgð Stubbs vegna tjóns sem rekja má til þjónustu Stubbs takmarkast við kaupverð viðkomandi pöntunar, nema tjón verði rakið til ásetnings eða stórfellds gáleysis. Stubbur ber ekki ábyrgð á óbeinu tjóni, svo sem tekjutapi. Takmarkanir þessar gilda ekki um líkamstjón.
• Ekkert í skilmálum þessum takmarkar ófrávíkjanlegan rétt neytenda samkvæmt íslenskum lögum.
• Notandi ber alfarið ábyrgð á virkni, tækni og öryggi í eigin snjalltæki eða tölvu.

13. Samþykki notanda

• Með því að nota Stubbur appið eða stubb.is og samþykkja þessa skilmála lýsir notandi því yfir að hann hafi kynnt sér efni þeirra og sé því samþykkur, sbr. 1. og 2. mgr. 10. gr. laga nr. 30/2002 um rafræn viðskipti.
• Stubbur getur breytt skilmálum þessum. Um hver kaup gilda þeir skilmálar sem í gildi eru á kaupdegi. Útgáfa og gildistaka koma fram efst á síðunni.

14. Lög og varnarþing

• Íslensk lög gilda um öll ágreiningsmál sem kunna að rísa vegna notkunar á forriti Stubbs, vefsíðunni stubb.is eða þjónustu Stubbs.
• Ágreiningsmál vegna skilmála þessara skulu rekin fyrir Héraðsdómi Reykjavíkur, án þess að það takmarki rétt neytanda til að höfða mál í eigin heimilisvarnarþingi.
• Neytendur geta einnig lagt ágreining fyrir kærunefnd vöru- og þjónustukaupa, Borgartúni 29, 105 Reykjavík, kvth.is, sbr. 6. gr. laga nr. 81/2019.
• Skilmálar þessir eru birtir á íslensku og ensku. Beri þeim ekki saman gildir íslenski textinn.

15. Tengiliðaupplýsingar

• Ef þú hefur spurningar varðandi þessa skilmála eða notkun appsins eða vefsíðunnar, vinsamlegast hafðu samband við: skilmalar@stubbur.app.

Reykjavík, 1. október 2026